كيف يتم تشخيص التهاب المفصل الحرقفي؟

التهاب المفصل العجزي الحرقفي من  المشاكل اللي بيشتكي منها كتير من المرضي وبيكون في لخبطه كتير  في التفرقه بين الم التهاب المفصل العجزي الحرقفي والم عرق النسا او الانزلاق الغضروفي , وطبعا عشان المريض يقدر يعرف اي سبب المه بالظبط لازم يروح لدكتور متخصص في جراحة العمود الفقري عشان يحدد  سبب المه والعلاج المناسب لحالته فتعالوا نعرف احنا ازاي بنشخص التهاب المفصل العجزي الحرقفي.

أهم علامات تشخيص التهاب المفصل الحرقفي

• اول حاجه لازم نعرفها هي شكوي المريض , واي طبيعية عمله هل بيشيل حاجات تقيله بشكل غلط.
• او بيقعد لفترات طويلة وهو مميل علي جنب واحد.
• او بينام في وضعيات غلط لفترات طويله.
• ونسئله لو كان اتعرض لحادثه او اصابة جامده في منطقة الحوض.
• او العيان وزنه زايد ودا عامل ضغط على مفصل الحوض.
• او عنده خشونه او مشكلة في الركبه وهي اللي مسببه له خشونه والتهاب في مفصل الحوض.
• وبنعرف منه الألم حصلك ازاي , يعني فجأه كدا حسيت بالالم ولا كان بسيط وبعد كدا زاد مع الوقت , لان التهاب المفصل العجزي الحرقفي بيحصل فجأة , المريض بيحس بالألم مرة واحدة.

الفحص السريري لتأكيد تشخيص التهاب المفصل الحرقفي

1. وبعد ما بنخلص الاسئله دي مع المريض بيبدء الفحص السريري وبنشوف منه مشيه المريض عامله ازاي , بمعني عنده الأطراف السفليه متساوية ولا عنده ناحية أقصر من التانية , ودا اللي مسبب الضغط على مفصل الحوض ومسببله الألم.
   وفي اكتر من وضع او فحص سريري بنعمله للمريض عشان نشوف الالم مكانه فين بالظبط , ولو ظهرلنا ان الالم موجود في اكتر من فحص , وطلع متركز علي منطقة الارداف وواخد معاه منطقه العانة الناحيه الخلفيه من المفصل , ساعتها بنرجح بشكل كبير ان المريض دا عنده التهاب في مفصل الحوض.
   بس اكيد مش هنعتمد بس علي الفحص السريري لازم نعمل تحاليل واشعات, واحيانا بنطلب التحاليل عشان نعرف هل الالتهاب حصل بسبب عدوى زي تحاليل كرات الدم البيضاء و مزرعة الدم, او تحاليل عشان نفرق بين التهاب المفصل العجزي الحرقفي والتهاب المفاصل الروماتيزمي لانهم متشابهين في الأعراض.
   اما بالنسبه للاشعات فبنعتمد بشكل كبير على اشعة الرنين المغناطيسي عشان بتكون دقيقة اكتر.
   وفي بقي طريقة للتشخيص بنعتبرها تشخيص وعلاج في نفس الوقت ودا الحقن الموضعي للمفصل ودا بنعمله بعد ما يكون المريض جرب العلاج التحفظي ( العلاج الدوائي والعلاج الطبيعي ) وفشل معاه.
   وهو عباره عن اننا بنحقن المفصل من الداخل لو كانت المشكلة في المفصل ذات نفسه او بنحقن خارج المفصل لو المشكلة في الاربطة والانسجة اللي حواليه. 
   

أنواع الحقن الموضعي للمفصل:

• مضادات الالتهاب
• حقن الكورتيزون الموضعي
• حقن المفصل التجديدي

ومع دكتور علي يسري القاضي في الفيديو دا هتعرف تفاصيل اكتر عن تشخيص التهاب مفصل الحوض وطرق علاجه: 

وعشان تعرف السبب الدقيق لالمك لازم تروح لجراح العمود الفقري اول ما تحس بالالم لان اكيد علاج المرض من ساعه اكتشافه هيكون نسبه نجاحه عاليه غير لما تتاخر في العلاج وتعاني سنين من الألم ونسبة نجاح علاجك تكون ضعيفة.
ولو عاوز تعرف اي تفاصيل عن طرق علاج التهاب المفصل العجزي الحرقفي تقدر تتواصل معانا من خلال رسايل الصفحة او من خلال الواتساب 01000120118
دكتور علي يسري القاضي استشاري ومدرس المخ والاعصاب والعمود الفقري بجامعة القاهرة