عملية الغضروف القطني بالميكروسكوب ولا بالجراحة

  تعبت جدا من الانزلاق الغضروفي القطني وجربت كل الطرق ومنفعتش معاك وخلاص جه وقت العملية, وبعد ما الدكتور قالك انك لازم تعمل عملية الانزلاق الغضروفي القطني وفي اسرع وقت, بدأت  تسئل الدكتور هو انا المفروض اعمل العمليةعن طريق التدخل المحدود زي الميكروسكوب ولا بالجراحة العادية, اي الافضل ليا او اي اللي ملوش مضاعفات ممكن تأثر علي حياتي؟

 الفرق بين عملية الغضروف القطني بالميكروسكوب ولا بالجراحة

اولا الجراحة التقليدية , طبعا هي أقدم و أول طريقة في استئصال الغضروف.
ودي بتعتمد علي الشق الجراحي  المباشر والجرح بيكون من 4 ل 6 سم.
ودا عشان الجراح  يقدر انه يشوف الأعصاب  والغضروف اللي فيه الانزلاق بشكل واضح  وفي الجراحة التقليدية الدكتور لازم يشيل كمية كبيرة من العضم وفتح كبير نسبيا في العضلات.
عشان يقدر انه يوصل لمكان الغضروف المنزلق.
أكمل قراءة:
أعراض الانزلاق الغضروفي القطني
وطبعا دي تعتبر من  عيوب الجراحة التقليدية لأن المريض بيحتاج وقت اكبر شوية.
عشان يقدر يتعافي لان الجرح بيكون كبير عن الميكروسكوب, وكمان في احتمال حدوث مضاعفات.
زي الالتصاقات أو ضعف العضلات بسبب التدخل الجراحي الكبير.

لكن الجراحة التقليدية أحيانا لابد منها في بعض الحالات:

زي الحالات اللي عندها انزلاق غضروفي كبير وفي كذا فقرة.
او الحاله اللي  محتاجه تثبيت للفقرات بعد استئصال الغضروف.
في الحالات دي بنفضل الجراحة التقليدية عن الميكروسكوب.
اما بالنسبه  للميكروسكوب فهو من الاجراءات محدود التدخل, يعني احنا بندخل نشيل  الجزء المنزلق من الغضروف  عن طريق فتحة صغيرة  في الجلد ممكن حوالي 2-3 سم.

وفتحة صغيرة في  العمود الفقري , فبالتالي مش هنشيل عضم بكمية كبيرة زي الجراحة التقليدية, واهم ميزة في الميكروسكوب انه بيكبر 40 مرة عن الحجم الطبيعي, فبالتالي الجراح هيقدر يشوف الأعصاب والانسجة بشكل كبير جدا ف دا هيساعده انه ميلمسش العصب او يسبب اي مضاعفات.
وطبعا عشان استئصال الغضروف بالميكروسكوب مش بيكون  عن طريق فتحة كبيرة فبالتالي التعافي بيكون اسرع من الجراحة التقليدية, المريض بيقدر يتحرك بعد العملية بساعتين , وكمان يقدر يمارس شغله لو شغل مكتبي بعد العملية باسبوعين, وفي خلال شهر يقدر يمارس حياته بشكل طبيعي  واكيد نسبة نجاح العملية بالميكروسكوب بتكون اعلى  من الجراحة التقليدية.

بس سواء عملت العملية بالجراحة التقليدية أو بالميكروسكوب هتحتاج تلبس حزام للضهر عشان يحافظ علي ثبات عمودك الفقري
بس لازم تخلي بالك ان عشان عمليتك بالميكروسكوب تكون بأعلى نسب النجاح.
لازم تكون عند متخصص في جراحة العمود الفقري وعنده خبرة كافية في التعامل مع جهاز الميكروسكوب
أعرف أكتر عن:
عملية استئصال الغضروف القطني بالميكروسكوب

وكمان الميكروسكوب مش مناسب:

للحالات اللي عندها التصاقات نتيجة جراحات قبل كدا

والحالات اللي محتاجه تعمل تثبيت للفقرات بعد استئصال الغضروف
وأكيد لازم تلتزم بالتعليمات اللي الدكتور هيقولك عليها بعد استئصال الغضروف بالميكروسكوب وتقدر تعرف التعليمات دي ومدة التعافي بعد العملية من الفيديو دا مع دكتور علي يسري القاضي.
واللي يقدر يحدد اي هو المناسب ليك هو جراح العمود الفقري لانه على اساس حالتك الصحية وحجم الغضروف عندك هيحددلك طريقة عملية الانزلاق الغضروفي المناسبة ليك.
ولو عندك اي استفسار عن استئصال الانزلاق الغضروفي بالميكروسكوب تقدر تتواصل معانا من خلال رسايل الصفحة او من خلال الواتساب 01000120118
دكتور علي يسري القاضي استشاري ومدرس المخ والاعصاب والعمود الفقري بجامعة القاهرة