اي هي انواع تزحزح الفقرات ؟

اي هي انواع تزحزح الفقرات ؟

تزحزح الفقرات هي مشكلة بتحصل في فقرات العمود الفقري و بتحصل لما الفقرة تتحرك من مكانها الطبيعي، وتزحزح الفقرات له 5 انوع لكن أشهر نوعين هما التزحزح بسبب تيبس الفقرات والتزحزح بسبب كسر في الفقرة , وتزحزح الفقرات بيسبب آلام شديدة جدا في الضهر وتنميل شديد في الرجل خصوصا مع المشي او الوقفه لفترات , ولازم تزحزح الفقرات يتعالج مع بداية اكتشافه عشان التأخير في العلاج ممكن يوصلك لمضاعفات خطيرة

في خمس أنواع لتزحزح الفقرات بس اشهر اتنين منهم هو النوع بتاع تيبس الفقرات والنوع التاني بتاع كسر الفقرات

• وتيبس الفقرات بيجي في العيانيين اللي بيشيلوا تقيل او وزنهم تقيل اللي عاده بيكون معاهم خشونه في مفاصل تانية , خشونه في مفصل الركبه او مفصل الفخد او غيره , ودول معظمهم بيبقوا السيدات اللي عمرهم فوق الـ45 وشالوا تقيل لفترات طويلة من حياتهم ومازالوا بيشيلوا , فالفقره نفسها لما بتوصل لمرحله ما من الخشونة المتقدمة , الفقرة نفسها مبتستحملش وبتبتدي تتحرك قدام الفقره التانية
• النوع التاني , وهو تاني أشهر نوع من تزحزح الفقرات وهو الكسر ودا بيحصل اكتر للعيانيين الرياضيين او في الرجاله اللي بتشيل اوزان تقيله فجأه , يعني كتير اوي العيانيين بيجوا العيادة بيكونوا شالوا تقيل في الجيم وفجأه حس ان ضهره طق وحصل فيه شرخ , او الناس اللي بتتعود او شغلتها انها تشيل تقيل او عيان مبيشيلش تقيل في العادي وفجأه حس بطق في ضهره لما شال تقيل ودول اشهر نوعين من تزحزح الفقرات

طيب تزحزح الفقرات دا بيعمل اي ؟

بيخلي الفقره لما تتحرك لقدام بيعمل حاجه اسمها غضروف كاذب , فكرة الغضروف الكاذب هي ان ده حاجه بتبان في اشعة الرنين ان اكن الغضروف نفسه هو اللي ضاغط علي العصب , بينما الحقيقة ان الفقرة نفسها هي اللي اتحركت والغضروف ثابت في مكانه بس بيبان في الرنين ان الغضروف اللي متحرك

اي هي اعراض تزحزح الفقرات ؟

الأعراض بتاعته زي ما قولنا سريعا :

• الالام شديدة في الضهر

تنميل في رجل او في الرجلين وبيزيد جدا مع الوقفه لفتره او مع المشي لفترات قليلة ودا لان العضلات بتاعه الضهر اول ما تبتدي تشيل الوزن وتبتدي تتعب , الفقرات بتبدأ تشيل بعديها , ولما الفقرات دي يتشيل وتبتدي تتحرك زي السنه الملخلخه , بتخلي العصب يبقي ملموس او بيجي يقرب من العضم اللي موجود وساعتها بيحصل احساس التنميل الشديد , والعيان ساعتها بيحتاج يقعد او يرتاح او حتي ميقدرش يعمل المشوار بتاعه وممكن الموضوع يتطور ويوصل ان العيان ميبقاش قادر انه هو يتمشي ويدخل الحمام .

ولو عاوز تعرف اي تفاصيل عن طرق علاج تزحزح الفقرات تقدر تتواصل معانا من خلال رسايل الصفحة او عن طريق الواتساب 01000120118
دكتور علي يسري القاضي استشاري ومدرس المخ والاعصاب والعمود الفقري بجامعة القاهرة 

احجز الان :