دكتور علي القاضي > الخدمات > عوامل نجاح جراحة العمود الفقري
تصفح جميع الخدمات
الانزلاق الغضروفي العنقي
ضيق الفقرات القطنية
تزحزح الفقرات
الإنزلاق الغضروفي القطني
مفصل الحوض الحرقفي
عرق النسا
نسبه نجاح عمليات العمود الفقري بتزيد لو المريض التزم بالخمس نقاط دول , النقطة الاولي انه يتشخص صح من البداية عند دكتور متخصص , وتاني نقطة ان الدكتور يجرب معاه كل طرق العلاج المختلفة قبل العملية , والنقطة التالته ان الدكتور يحدد طريقة العملية علي حسب حاله وطبيعه حياه المريض , واهم نقطة هو اختيار جراح متخصص عنده خبره في العمليات ودي النقطة الرابعه , اما خامس واخر نقطة ان الدكتور يتابع حاله المريض لحد ما يقوم بسلامة وكل دا في النهاية هيزود نسبه نجاح العملية
Your browser does not support HTML5 video.
الدكتور اللى بيقولك انك هتعمل عملية , لازم يتأكد ان هو مشي علي كل طرق العلاج أو يستنفذ كل طرق العلاج التانية قبل ما يعملك عملية , طب ازاي ازود نسب نجاح عمليات العمود الفقري بشكل عام ؟ اول نقطة واهم نقطة انك انت تتأكد ان التشخيص بتاعك صحيح , ازاي ؟ انك انت لما تيجي تتكلم مع الدكتور ويجي يكشف عليك , يقولك الحاجه اللي انت حاسس بيها فعلا , ودي اول نقطة واهم نقطة للتشخيص الصحيح وانك انت لما تيجي تعمل لو لاقدر الله اتكتبلك انك انت محتاج تعمل عملية , انك انت تطلع احسن من ما قبل العملية فكدا يعتبر اول واهم نقطة هي التشخيص الصحيح النقطة التانية ان لازم الدكتور اللى بيقولك هتعمل عملية , لازم يتأكد ان هو مشي علي كل طرق العلاج أو يستنفذ كل طرق العلاج التانية قبل ما يعملك عملية إلا في حالات احنا قولناها قبل كدا :
اي هي الطرق التانية , إن هو لازم يبقي ماشي علي علاج دوائي وصحيح لفترة صحيحة اقل حاجه من 6 ل 8 اسابيع و ان هو يبتدي يعمل معاك علاج طبيعي , لان في عيانين كتير اوي بيجولي , يقولوا احنا مشينا على علاج دوائي 3 شهور و 6 شهور , واسئلهم هل عملتوا علاج طبيعي ؟؟؟ والاجابه بتكون لا معملتش علاج طبيعي , طيب ما العلاج الطبيعي الصحيح مع دكتور متخصص في العلاج الطبيعي , ممكن يشيل من علينا مشاكل كتيرة جدا ويبعدنا عن ان احنا نحتاج تدخلات جراحية , وانك انت لازم تمشي على طرق العلاج الصحيحة الاول قبل قرار العملية النقطة التالتة , ان هو يعمل العملية حسب كل عيان وطبيعة حياته عامله ازاي , يعني العيان اللي هو بيشتغل شغل مكتبي ووزنه مش تقيل و حياته مفيهاش شيل حاجات تقيله , ممكن نعمل تدخلات محدودة زي الميكروسكوب الجراحي او المنظار اما العيانين اللي بيشيلوا اوزان تقيله , و طبيعة شغله ان هو يشيل ويحط أو هو وزنه زيادة ومش عارف يخس , ساعتها التثبيت له مميزاته , ولازم الدكتور يتكلم علي كل طريقة علاج او كل طريقة تدخل جراحي , واي مميزاته واي عيوبه رابع نقطة ان العيان لازم يختار جراح العمود الفقري المتخصص الدكتور اللي بيشتغل 10 و15 عملية عمود فقري في الشهر غير الدكتور اللي اشتغل عملية او اتنين , او اشتغل عملية او اتنين في حتة تانية , او عملية او اتنين في نقطة تالته سواء كدكاترة عظام او كدكاتره مخ واعصاب لكن الدكاتره المتخصصة في العمود الفقري , وشغلهم الأساسي العمود الفقري , بتبقي نسب نجاحهم أعلى لانهم شغالين اكتر النقطة الخامسة أن العملية مش مجرد عملية والسلام , لازم متابعة بعد العملية من اول العيان بعد العملية هيأكل اي ؟ هيشرب اي ؟ , هيقعد ازاي ؟ , امتي يعمل علاج طبيعي ؟ , ازاي تواظب علي التمارين ؟ , ازاي الدكتور بيتابع الجرح كويس ؟ , طيب هيرجع لحياته الطبيعية امتي ؟ , وهيشيل تقيل امتي ؟ لازم الدكتور يبقي بيتابع العيان عن قرب , ولازم يبقي في فترة متابعات , ممكن تمتد لغاية سنة , لغايه ما يتأكد ان العيان رجع لحياته الطبيعية بنسبة 100 % الحاجات دي كلها لو اتاخد بيها , والعيان فكر وارتاح للدكتور , نسب نجاح العمليات دي هتعلي كمان عن 90 % ولو عاوز تعرف اي تفاصيل اكتر عن عمليات استئصال الانزلاق الغضروفي تقدر تتواصل معانا من خلال رسايل الصفحة او عن طريق الواتساب 01000120118 دكتور علي يسري القاضي استشاري ومدرس المخ والاعصاب والعمود الفقري بجامعة القاهرة
