دكتور علي القاضي > الخدمات > أهمية التشخيص في علاج مشاكل العمود الفقري
تصفح جميع الخدمات
الانزلاق الغضروفي العنقي
ضيق الفقرات القطنية
تزحزح الفقرات
الإنزلاق الغضروفي القطني
مفصل الحوض الحرقفي
عرق النسا
الناس اللي عندهم مشاكل في العمود الفقري بيواجهوا صعوبة في التشخيص والعلاج , لأن الأعراض ممكن تكون مشابهة لمشاكل مختلفة. مثلاً، ألم في الرقبة والكتف ممكن يكون بسبب انزلاق غضروفي عنقي أو مشكلة في الكتف نفسه , و كمان مش كل حالات الانزلاق الغضروفي نفس الشيء , و العلاج بيختلف حسب مكان الغضروف , ونفس الكلام بالنسبة لمشاكل أسفل الظهر كل نوع ألم أو تنميل ليه علاج مختلف عشان كده لازم تتشخص بشكل صحيح عند دكتور متخصص في العمود الفقري علشان تتعالج صح
عيانين العمود الفقري من اكتر العيانين اللي بتعاني مش بس عشان العلاج بتاع العمود الفقري مش سهل , بس كمان عشان التشخيص نفسه اصعب , و دلوقت هقولكم شوية امثلة , ان ازاي شوية اعراض مختلفة وبسيطة تؤدي لتشخيص مختلف وعلاج مختلف تاني خالص . تعالو نقول مثال للفقرات العنقية , أشهر حاجه هي الانزلاق الغضروفي العنقي العيانيين عادة بتجيلي تشكتي من وجع في رقبتهم ووجع في كتفهم , بس دا ممكن ميبقاش مجرد انزلاق غضروفي عنقي ممكن يبقي مشكلة في الكتف حاجة بسيطة جدا بتفرقلنا , لو العيان جاي يرفع كتفه لقي الوجع بتاع الكتف بيزيد ده غالبا مشكلة في الكتف لو الوجع بتاع الكتف ابتدي يقل لما رفع ايده ده في الأغلب انزلاق غضروفي عنقي , حاجة بسيطة زي دي بتفرق, علاج مختلف تماما ما بين تخصص وتخصص
مثال تاني هل العمليات كلها بتاعه الانزلاق الغضروفي العنقي زي بعض , الإجابة لا , لأن العيان اللي بيشتكي عنده تنميل ووجع في رجليه مع ايديه ده مختلف تماما عن العيان اللي عنده مشاكل في ايديه بس ده عيان عنده غضروف ضاغط على العصب بس وساعتها بنستأصل الغضروف بالميكروسكوب من قدام , أما العيان اللي عنده مشاكل في رجليه وتنميل وتقل في رجليه مع ايده دا غالبا عنده كدمه في النخاع الشوكي بسبب الغضروف وساعتها هيحتاج يعمل عملية مختلفة تماما وهي توسيع الفقرات العنقية من الخلف , دي حاجه ودي حاجه , دا تشخيص ودا تشخيص , دي عملية ودي عملية تانية خالص , غير أن طرق العلاج نفسها مختلفة والادوية اللي احنا بنديها برضو مختلفة هنديكم مثال تالت : العيانيين اللي عندهم مشاكل أسفل الضهر , دول ممكن يتشخصوا حاجات كتيره علي حسب الالم نفسه بتاع الضهر , هل بيجي لما يجي يقف , ولا بيجي لما يجي يمشي ولا هو موجود معاه علطول , هل بيزيد معاه وهو قاعد وجاي يقوم , ولا هو بيزيد معاه تنميل في رجله لغاية صوباع رجله , ولا تنميل في رجله لغاية ركبته , الموضوع دا كله بيبقي تشخيصات مختلفة تعالوا اقولكم مثال اكتر , العيان اللي عنده انزلاق غضروفي قطني وضاغط علي العصب موجوع طول الوقت , وفي الاول بيجي يشتكي من ضهره واجعه وبعد كدا تنميل في رجليه وممكن وجع ضهره نفسه يبتدي يقل , لكن تنميل في رجليه هو الثابت ومش قادر يتحسن بيه خالص
طيب العيان اللي عنده ضيق في الفقرات القطنية بردو عنده الم في ضهره وبردو عنده تنميل في رجليه , بس التنميل بيختلف تماما لما بيجي يمشي , والمسافه اللي بيمشيها بقت تقل واحده بواحده طب العيان بتاع التزحزح بردو عنده مشاكل في ضهره وبردو عنده مشاكل في رجليه وتنميل شديد , بس التنميل ده بيزيد جدا لما بيجي يقف فترة طويلة او لو جه يشيل حاجه ده له علاج وده له علاج العيان بتاع التزحزح محتاج حزام , العيان بتاع ضيق القنوات العصبية دا محتاج ادوية مختلفة تماما عن الانزلاق الغضروفي كل واحد في دول له طريقة علاج مختلفة , ومش بقولك الكلام دا عشان الغبطك عشان افهمك اهمية انك انت توصل للتشخيص الصحيح , والتشخيص الصحيح مش هتوصل له غير لما تتعالج عند الدكتور المتخصص لو عندكم اي استفسارات عن عمليات استئصال الغضروف العنقي تقدر تتواصل معانا من خلال الواتساب 01000120118او من خلال رسايل الصفحة د/ علي يسري القاضي استشاري ومدرس جراحة المخ والاعصاب والعمود الفقري بجامعة القاهرة
