دكتور علي القاضي > الخدمات > ممارسة الرياضة بعد عملية الانزلاق الغضروفي
تصفح جميع الخدمات
الانزلاق الغضروفي العنقي
ضيق الفقرات القطنية
تزحزح الفقرات
الإنزلاق الغضروفي القطني
مفصل الحوض الحرقفي
عرق النسا
في ناس متعودة تمارس الرياضة بشكل يومي بس بسبب الانزلاق الغضروفي اللي حصلهم مبقوش قادرين يمارسوها , وكمان خايفين يمارسوا اي نوع من الرياضه فيسببلهم الم كبير ويزود من مشكلة الانزلاق عندهم , وفي ناس تانية وبتكون خايفة ان بعد عملية الانزلاق الغضروفي متقدرش تمارس الرياضة تاني وتتحرم من حاجه بتحبها , فتعالوا نعرف سوا اي هي الرياضه اللي ممكن تمارسوها وعندكم انزلاق غضروفي وهتكون مفيدة ليكم واي الرياضه اللي ممنوع تمارسوها
أفضل نوع رياضة ممكن مريض الانزلاق الغضروفي يمارسها بعد العملية ,هي الرياضة اللي بتركز على تقوية عضلات الضهر، سواء كان عندك انزلاق غضروفي من الدرجة الأولى او التانية , أو كنت من درجات الانزلاق الغضروفي المتقدمة اللي بتحتاج عملية ( الدرجه التالته والرابعة ) ,طالما الرياضه دي بتقوي عضلات ضهرك بشكل صحيح , فهي كدا مفيدة ليك وتعتبر كعلاج طبيعي لضهرك وهتخفف من الالم اللي بتحس بيه ومن الرياضه المفيدة لمريض الانزلاق الغضروفي بعد العملية :
في بعض التمارين ممكن انها تكون ممنوعه على مريض الانزلاق الغضروفي زي : 1- رياضة رفع الأثقال: لأنه هتعمل حمل كبير علي عضلات العمود الفقري وخصوصا منطقة أسفل الضهر وطبعا دا هيزود الالم عندك ولو كنت لسه عامل عملية ممكن يسببلك غضروف مرتجع
2- التمارين اللي بيكون فيها حركات عنيفة : زي الجمباز والكاراتية اواي رياضه بيكون فيها حركة بشكل كبير للضهر ممكن انها تضر مريض الانزلاق الغضروفي وتزود من المشكلة اكتر . 3- التمارين اللي بيكون فيها حركة كتيرة زي نط الحبل ممكن انها تضرك اكتر لانها بتضغط علي فقرات بشكل اكبر فهيزودلك من مشكلة انزلاق الغضروف عندك حتي بعد العملية
مبدئيا انت بتقدر تقوم تمشي بعد العملية على طول لوحدك ، ومع العلاج الطبيعي لتقوية عضلات الضهر خلال شهر بالكثير هتقدر انك ترجع لحياتك الطبيعية ،و هتقدر انك ترجع للرياضة اللي انت بتحبها بس لازم هترجع لها واحده واحده و بالتدريج عشان نكون ضامنين انك تقدر تمارس الرياضة دي مرة تانية بدون أي آلام وخلال 6 شهور ان شاء الله هتقدر تمارس الرياضه بدون اي مشاكل بس لازم انك تستشير الدكتور المتخصص قبل ما تبدأ تمارسها عشان يحددلك اي المعاد المناسب اللي ترجع تمارس فيه الرياضه واي هو نوع الرياضه اللي مسموحه ليك .
المهم انك متقلقش من فكرة أن الانزلاق الغضروفي أو عملية الانزلاق الغضروفي انها هتمنعك من انك ترجع للرياضة اللي انت بتحبها لان المسألة كلها مجرد وقت وصبر شوية عشان نقدر نتعافي بشكل كامل وترجع لحياتك الطبيعية تاني بدون اي الم
