دكتور علي القاضي > الخدمات > هل لازم نثبت الفقرات بعد استئصال الغضروف ؟
تصفح جميع الخدمات
الانزلاق الغضروفي العنقي
ضيق الفقرات القطنية
تزحزح الفقرات
الإنزلاق الغضروفي القطني
مفصل الحوض الحرقفي
عرق النسا
في مريض بيسئل ليه اعمل تثبيت فقرات بعد عملية استئصال الغضروف القطني , هل ضروري اعملها ولا ممكن استئصل الغضروف من غير ما اعملها لاني خايف معرفش اتحرك وامشي بعد كدا وحياتي تقف , وعشان نطمن كل مريض عنده عملية انزلاق غضروفي وتثبيت فقرات تعالوا نعرف الاجابه علي كل سؤال شاغل تفكيرك اول سؤال :
طبعا لا، مش كل مريض انزلاق غضروفي قطني بيحتاج لتثبيت الفقرات في العملية ، اللي بيحتاجوا تثبيت للفقرات بيكونوا حالات معينة جدا, والحالات دي :
ممكن تعرف معلومات اكتر عن امتي لازم تعمل تثبيت للفقرات من الفيديو دا مع دكتور علي يسري القاضي
Your browser does not support HTML5 video.
ببساطه احنا بنعمل تثبيت للفقرات عشان نضمن ان الحالات دي ميحصلهاش غضروف مرتجع ، يعني الغضروف يرجع يخرج من مكانه مرة تانية ويسبب للمريض الآم مرة تانية بعد الجراحة , والمريض اللي عنده تزحزح فقرات دا كدا كدا لازم يعمل عملية لان التزحزح هيعمله اكتر من غضروف وتقدر تعرف معلومات اكتر عن تزحزح الفقرات من مقال اعراض تزحزح الفقرات واسبابها
لا مش بنشيل الشرايح والمسامير بعد تثبيت الفقرات ودا لأن الشرايح والمسامير بتكون مصنوعة من مادة التيتانيوم والمادة دي مش بتعمل اي أضرار لجسم الإنسان و مش بتتفاعل معاه بأي شكل ضار ابدا , بس انت ممكن تشيل الشرايح و المسامير بعد كدا لو حابب دا , بس لازم يكون الفقرات التحمت , يعني العضم نفسه اللي ما بين الفقرات مسك في بعضه وبقي جزء واحد ، ساعتها تقدر تشيل المسامير
و الالتحام التام ده ممكن يحصل في خلال 6 شهور، ممكن يحصل في خلال سنة، ممكن يحصل في خلال سنتين مفيش وقت محدد وبنقدر اننا نتأكد من التحام الفقرات بعد العملية عن طريق الأشعة العادية أو بالحركة أو الأشعة المقطعية ، بس احنا كجراحين مش بنفضل اننا نشيل المسامير لان مفيش اي خطورة منها طبعا انت فاكر ان عملية تثبيت الفقرات دي هتوقف حركتك ومش هتعرف تمشي او تتحرك طبيعي , بس في الحقيقة دا مش بيحصل لان بعد ما بتثبت الفقرات وخلاص التحمت مع بعضها , الجسم بيقدر يوزع الحركه علي باقي الفقرات , وبيعتبر الفقره اللي التحمت دي جزء واحد مع بعضها , فبالتالي انت هتقدر تمارس حياتك بشكل طبيعي جدا بعد فتره التعافي ونخلي بالنا ان طريقة تثبيت الفقرات بتكون عن طريق الجراحة العادية , ودا طبعا بعد ما نشيل جزء الغضروف المنزلق , نثبت بقي بعده الفقرات مينفعش نثبت قبل ما نشيل الغضروف , وساعات لو الغضروف منفجر بنشيله كله ونركب قفص كربوني وبعدين نثبت الفقرات .
في النهاية لازم متقلقش من عملية الانزلاق الغضروفي ولا عملية تثبيت الفقرات , لان الاتنين مش الهدف منهم نمنع حركتك ونصعب عليك حياتك لا الهدف منهم انك ترجع لحياتك الطبيعية وتمارس روتينك بدون اي الم . ولو عندكم اي استفسارات عن عمليات تثبيت الفقرات والانزلاق الغضروفي القطني تقدروا تتواصلوا معانا على الرقم ده 010001201168 .
