سعر عملية الانزلاق الغضروفي القطني

سعر عملية الانزلاق الغضروفي القطني

عندك انزلاق غضروفي قطني واتحددلك عملية بس قلقان من سعر العملية وتكلفتها , طبعا أي عملية سواء كانت انزلاق غضروفي أو غيره فتكلفتها اكيد بتختلف من شخص للتاني لان في عوامل بتأثر علي سعرها , وتعالي اقولك اي العوامل اللي بتحدد تكلفة عملية الانزلاق الغضروفي   

• خبرة الجراح

خبرة ومهارة الجراح من أكتر النقاط المهمة التي بتأثر على سعر عملية الانزلاق الغضروفي القطني، لان خبره كل جراح مختلفه عن التاني , وكل جراح بيحدد اللي هو شايفه مناسب في العملية بناءا علي خبرته وعلي حاله المريض برضو , فدا بيأثر على سعر العملية نفسها، بس المهم إنك تتأكد من الجراح اللي اخترته انه يعملك الإجراء وتكون واثق منه ومن خبرته عشان تقدر تضمن نجاح العملية  

• العمليات الإضافية اللي هتتعمل مع عملية الانزلاق الغضروفي القطني  
  

وده لان في حالات بتحتاج لتثبيت الفقرات القطنية وفي حالات تانية بتحتاج لقفص كربوني مع استئصال الانزلاق الغضروفي القطني، فطبعا دا بيزود من سعر عملية الانزلاق الغضروفي القطني،, لان بيكون في ادوات تانيه مستخدمة في العملية زي الشرايح والمسامير ودا طبعا هيكون له تكلفة تانية هتزود من تكلفة العملية . 

• فترة الإقامة في المستشفى بعد العملية  
  

المعروف عن جراحة الانزلاق الغضروفي القطني ان المريض لما بيخلص الجراحة ويقدر انه يقوم ويتمشى بنفسه فهو بيروح بيته في نفس اليوم، لكن في بعض الحالات زي الحالات المتقدمة من الانزلاق الغضروفي وحصلها سقوط نسبي في القدم بنفضل تقعد في المستشفى عشان نطمن ان وظايف الجسم الداخلية شغاله ومفيش اي مشكلة  

• طريقة إجراء عملية الانزلاق الغضروفي القطني 
  

عملية الانزلاق الغضروفي القطني ليها 3 طرق جراحية مختلفة اللي هما  

• استئصال الانزلاق الغضروفي القطني بالميكروسكوب
• استئصال الانزلاق الغضروفي القطني بالمنظار
• الطريقة التقليدية لاستئصال الانزلاق الغضروفي القطني وكل طريقة من الطرق دي بيكون ليها خطوات معينة وأدوات معينة، دا غير خبرة الجراح نفسه في استخدام الأداة نفسها وكل طريقة ليها تكلفتها الخاصة بيها

• حالة المريض الصحية أو لو كان بيعاني من امراض تانية 
  

حالة المريض ممكن تغير من سعر عملية الانزلاق الغضروفي القطني لان في بعض المرضى بيكون عندهم مشاكل صحية تانية فبيحتاجوا يدخلوا عناية مركزة أو متوسطة , دا هيزود من تكاليف المستشفي  

• عدد ساعات العملية  
  

في مريض بيكون عنده اكتر من غضروف واحد ودا طبعا هيحتاج وقت اطول وعدد ساعات اكتر في العمليات فبالتالي دا هيزود من تكاليف المستشفى وهيزود في تكلفة العملية

عشان كده مينفعش اننا نحدد سعر معين تبدأ منه عملية الانزلاق الغضروفي القطني، لان كل حاله بتكون مختلفة عن التانية بشكل كامل واحنا كجراحين متخصصين في العمود الفقري مينفعش اننا نطبق نفس الكلام على الناس كلها
ومهما كانت التكلفة اكيد احساسك بالراحة ورجوعك لحياتك وشغلك بدون الم ميتقدرش بتمن , فلازم لو اتحددلك عملية تعملها في أقرب وقت ممكن وتحمي نفسك من مخاطر ومضاعفات الانزلاق الغضروفي