دكتور علي القاضي > من حقك تفهم > علاج الغضروف المرتجع
امتى تحتاج عملية الانزلاق الغضروفي القطني؟
ليه ممكن الم الانزلاق الغضروفي القطني يرجع تاني بعد العلاج الدوائي والتردد الحراري ؟
عملية استئصال الغضروف القطني بالميكروسكوب
الفرق بين عملية الانزلاق الغضروفي القطني بالميكروسكوب وبالمنظار
الم في الرجل بعد عملية الانزلاق الغضروفي القطني
هل عملية الانزلاق الغضروفي خطيرة؟
هل الشرائح والمسامير لازم تتشال بعد عملية تثبيت الفقرات القطنية
بعض مرضي الانزلاق الغضروفي القطني بيشتكوا ان الغضروف رجع تاني بعد العملية , والالم كمان رجع تاني زي قبل العملية ودا بنسميه الغضروف المرتجع ودا ممكن يحصل بسبب ان :
ونخلي بالنا ان مينفعش اننا نشيل الغضروف كله من البداية طالما محصلوش انفجار احنا بنشيل الجزء بس اللي حصله انزلاق بس . وهتعرف معلومات اكتر عن الاسباب من مقال الغضروف المرتجع واسبابه
اول حاجة المريض في اول 6 شهور من العملية بيبدأ انه يشتكي من نفس الاعراض اللي كان حاسس بيها قبل العملية، اللي هو الوجع والشكشكة والحرقان في الرجل والتنميل , الام اسفل الضهر ودا معروف ( آلام عرق النسا) وممكن الأعراض تكون اقوي او اقل علي حسب حجم الانزلاق الغضروفي المرتجع اللي حصله . وخلينا عارفين ان اكبر نسبة ارتجاع بتحصل في اول 6 شهور , يعني لو ارتجاع الغضروف موجود بنسبه 5 ل 7 % , فالمفروض ان 90% من ال5 % بيحصلهم غضروف مرتجع في اول 6 شهور وعشان المريض يتأكد ان عنده ارتجاع للغضروف , الدكتور بيطلب منه يعمل رنين علي الفقرات ويفضل بالصبغة عشان نفرق بين الغضروف المرتجع والالتصاقات اللي بتكون موجودة في مكان العملية، وممكن يطلب منه اشعة ديناميكية عشان يتأكد من عدم وجود تزحزح بالفقرات والدكتور ممكن يطلب منه اشعة بالصبغة لان ممكن يكون سبب الالم مش الغضروف ممكن بسبب الالتصاقات حصلت بسبب تليف في الانسجة نتيجة عملية الانزلاق الغضروفي القطني، والالتصاقات دي عملت ضغط على العصب عشان كدا هتعمل الم نفس الم الغضروف
الحل هو اولا التشخيص السليم مع دكتور متخصص في جراحة العمود الفقري يأكدلك هل فعلا الغضروف رجع تاني بعد العملية ولا دا غضروف جديد ولا في سبب تاني مسببلك الالم زي ما قولنا اما بالنسبه لعلاج الغضروف المرتجع لو كان الغضروف بسيط ,فاغلبية الحالات بتتعالج بالعلاجات التحفظية اللي هي
اما لو كان عندك انزلاق غضروفي قطني كبير ضاغط على العصب ومسببلك أعراض خطيرة فساعتها بناخد قرار الجراحة مرة تانية وفي الاغلب بتبقي استئصال الغضروف مع تثبيت الفقرات
1- لازم بعد العملية مترجعش للعادات اللي كانت السبب في الغضروف عندك زي القاعده الكتير او شيل الحاجات التقيله والتدخين , ولو كان سبب الغضروف الوزن الزايد نحاول نخس ونمشي علي نظام غذائي 2- لازم تعرف الدكتور كل شيء عن طبيعة شغلك عشان يحدد لك الاجراء المناسب ليك في العملية بمعني انه هينفع تعمل العملية بالمنظار ولا بالميكرسكوب ولا بالجراحة التقليدية , لان لو انت شخص شغلك بيعتمد علي شيل الاوزان التقيلة مش هينفع تعمل العملية بالميكرسكوب لان فرصه رجوع الغضروف ليك هتكون اكبر المهم انك متقلقش من ان الغضروف يرجعلك تاني بعد العملية لان نسبه حدوثه من5 ل7 % ودا نسبه قليله , وطالما انت اتبعت تعليمات الدكتور بعد العملية وبطلت العادات اللي كنت بتعملها قبل العملية , و الاهم طبعا العملية نكون مع دكتور متخصص في جراحة العمود الفقري , فاكيد عمليتك هتكون ناجحه باذن الله
