دكتور علي القاضي > الخدمات > ضيق القناة العصبية القطنية
تصفح جميع الخدمات
الانزلاق الغضروفي العنقي
ضيق القناة العصبية
تزحزح الفقرات
الإنزلاق الغضروفي القطني
مفصل الحوض الحرقفي
عرق النسا
بتحب تمشي لمسافات طويلة ؟ بس بقيت بتحس انك مش قادر تمشي نفس المسافة اللي كنت بتمشيها في الأول لانك بقيت بتحس بوجع و تشنجات و تنميل فى رجلك و عشان كل ده يروح و تقدر تكمل مشي لازم تقعد وتوطي ضهرك لقدام ، طيب تعرف ان ده معناه انك عندك مشكلة في العمود الفقري و تحديدا في الفقرات القطنية ، والمشكلة دي اسمها ضيق القناة العصبية القطنية . تعالو نفهم بقى مع بعض يعني اي فقرات قطنية ويعني أي ضيق الفقرات القطنية.
اول حاجه الفقرات القطنية هي آخر فقرات عمودنا الفقرى ، يعنى بتكون موجوده فى اخر ضهرنا ، و بسبب انها اخر فقرات العمود الفقرى ، فهنلاقيها اكتر الفقرات اللى بتتعرض للضغط لانها بتكون شايله وزن جسمنا كله ، والفقرات القطنية دى بيمر منها حاجه مهمه جدا اسمها الضفيرة العصبية أو ديل الفرس ، واتسمت كدا لانها فعلا بتكون شبه ديل الحصان . والضفيرة دي بتكون مسؤولة عن انها تنقل أوامر الإحساس والحركة من المخ للجزء السفلي من الجسم ، فإيه اللي هيحصل بقى لما الفقرات القطنية يحصل فيها ضيق وتضغط على الضفيرة العصبية ؟ بس قبل ما نجاوب على السؤال ده ، خلونا نعرف الاول
في الطبيعي العمود الفقري بيكون فيه تجويف اسمه القناة العصبية ، والتجويف ده بيكون جواه الحبل الشوكي وحاجه اسمها الضفيرة العصبية ، وبيطلع من الحبل الشوكي وجذور الأعصاب ، وتجويف القناة العصبية ده ربنا خلقه بمساحة معينة عشان يحمي الحبل الشوكي وجذور الأعصاب طيب ايه اللي بيحصل لما يكون عندنا ضيق في القناة العصبية ؟ اللي بيحصل ان مساحة القناة العصبية بتقل ، وهيكون في ضغط على الحبل الشوكي والضفيرة العصبية ، والضفيرة العصبية دي هي اللي بتكون مسؤولة عن الإحساس والحركة في الجزء السفلي من الجسم ، فبسبب الضغط ده هتبدأ حركتنا تتأثر وهتبدأ تحصلنا كل المشاكل اللي قولنا عليها في البداية ولو عاوز تعرف تفاصيل اكتر عن ضيق القناة العصبية تقدر تشوف الفيديو ده
بعد ما عرفنا عن اي هي أسباب ضيق الفقرات القطنية خلينا نعرف عن
،بس قبل ما نبدأ في اي هي طريق العلاج نفسها لازم نعرف خطوة أهم من العلاج وهي التشخيص الصح ، عشان لو متشخصتش صح فانت كدا لسه موصلتش لعلاج المشكلة، والتشخيص بيكون عبارة عن
ولازم نعرف ان مفيش اي علاج هيكون صح من غير الخطوات دى ، ودلوقتى نقدر نتكلم اكثر عن طرق العلاج نفسها واللي بيكونوا عبارة عن
واتطمنوا عشان %90 من حالات ضيق الفقرات القطنية علاجها بيكون تحفظي ، يعني عن طريق العلاج الدوائي والعلاج الطبيعي ، بس دا تحت شرط واحد بس وهو التشخيص الصح وكمان بدري ، اما بالنسبة للتدخلات الجراحية محدودة التدخل فبتكون للحالات الشديدة جدا ، يعني للناس اللي عندهم ضعف شديد في الرجل أو سقوط في القدم وتجاهلوا خطوة العلاج، لكن التدخلات نفسها بقت تتعمل بأجهزة زي الميكروسكوب وزي المنظار ، وكمان بتقدر انك ترجع بيتك على رجليك في نفس اليوم بس من غير الم. ليه تستنى لغايه لما توصل للمرحلة دي وانت بإيدك تعالج نفسك وتوقف الألم من بدري وتعيش مرتاح ؟
