دكتور علي القاضي > من حقك تفهم > اي الفرق بين الإنزلاق الغضروفي ومفصل الحوض الحرقفي؟
اعرف عمودك الفقري
ليه رقبتك ممكن توجعك ؟
ليه ممكن تحس بوجع في اخر ضهرك
يعني ايه غضروف؟
١٠ أسباب للانزلاق الغضروفي القطني و عرق النسا
مشكلتين بيعملوا وجع شديد في آخر الضهر وفي الرجلين والتشخيص الغلط في المشكلتين دول ممكن يخلي المريض يدخل عميلة هو مش محتاجها ،والنهاردة احنا هنتكلم عن مشكلة الإنزلاق الغضروفي القطني ومشكلة مفصل الحوض الحرقفي ، طيب احنا ازاي نقدر نفرق بين المشكلتين؟ واي هو العلاج لكل مشكلة فيهم ؟ خلونا دلوقتي نعرف عن الفرق بين المشكلتين بشكل سريع وليه التشخيص الغلط ممكن يوصلنا لعملية. تعالوا ناخد الموضوع واحدة واحدة ونعرف ايه الفرق بين الإنزلاق الغضروفي القطني والتهاب مفصل الحوض الحرقفي ؟ وخلونا أول حاجه نتكلم عن الإنزلاق الغضروفي القطني. الإنزلاق الغضروفي القطني بيحصل في الغضاريف اللي بتكون موجودة في العمود الفقري اللي هي بتكون موجودة بين كل فقرة والتانية ،بس هنا الانزلاق بيحصل في الفقرات القطنية اللي هي بتكون في اخر الضهر و عددهم بيكون 5 فقرات وممكن انه يحصل في أي فقرة فيهم ، ولو الغضروف انزلق ممكن يا يضغط على جذر من جذور الاعصاب يا يضغط على الحبل الشوكي نفسه وفي الحالة دي ممكن اننا نحس بالأعراض دي :
ولو عايزين تعرفوا معلومات وتفاصيل أكثر عن الانزلاق الغضروفي القطني تقدروا تضغطوا هنا أما بالنسبة لالتهاب مفصل الحوض الحرقفي فأول حاجه لازم نعرف هو مكان المفصل ده فين مفصل الحوض الحرقفي بيكون مكانه في الحوض تحديدا بين عظام العجز اللي بتكون موجودة في نهاية العمود الفقري وعظام الحرقفة الموجودة في الحوض ، والمفصل بيكون موجود على الناحيتين يعني مفصل في الناحية اليمين ومفصل في الناحية الشمال
وعشان المفصل دا في مكان حساس جدا فسهل جدا أن يحصل فيه التهاب والحالة دي بنسميها التهاب المفصل العجزي الحرقفي ولو عايزين تعرفوا أكتر عن مشاكله التهاب مفصل الحوض الحرقفي تقدروا تضغطوا هنا واعراضها بتتشابه جدا مع الانزلاق الغضروفي القطني اللي كنا لسه قايلين عليها زي وجع اسفل الضهر وآلام الرجلين ، طيب يا دكتور في الحالة دي
الفروقات بتكون في حاجات بسيطة جدا زي
زي ما قلنا ان المشكلتين أعراضهم بيكونوا واحدة وممكن اثناء الفحص تحديدا في الاشعه ان المشكلة تبان انزلاق غضروفي وهي التهاب في مفصل الحوض بس ، وساعتها ممكن المريض يدخل عمليات عشان يعالج الانزلاق الغضروفي ويطلع منها وميحسش بأي تحسن ، وكل ده من التشخيص الغلط للمشكلة بس. عشان كدا دايما بنأكد على مرحلة التشخيص قبل ما نبدأ ناخد اي علاج وان مرحلة التشخيص تعتبر 90% من العلاج ، وخلينا متأكدين ان طالما التشخيص هيكون غلط فالعلاج كمان هيكون غلط ، و تقدروا تعرفوا اكثر عن التشخيص الصحيح من هنا اتمنى تكونوا استفدتوا من مقال النهارده وتكونوا عرفتوا ايه الفرق بين الإنزلاق الغضروفي القطني وبين مفصل الحوض الحرقفي.
