دكتور علي القاضي > الخدمات > تزحزح الفقرات القطنية
تصفح جميع الخدمات
الانزلاق الغضروفي العنقي
ضيق الفقرات القطنية
تزحزح الفقرات
الإنزلاق الغضروفي القطني
مفصل الحوض الحرقفي
عرق النسا
عندك آلام أسفل الضهر ووجع شديد جدا ؟ والوجع دا بيزيد لما بنقف لفترات طويلة ، وبتفتكر انه مجرد شد عضلي بسيط في ضهرك ولما تستريح شوية وتاخد مسكنات هتخف ، طيب خلي بالك عشان دا ممكن ميكونش شد عضلي ، و ممكن يكون عندك مشكلة كبيرة جدا في عمودك الفقري وبسكوتك عنها انت بتزودها ، والمشكلة دي هي تزحزح الفقرات بس قبل ما نتكلم عن تزحزح الفقرات لازم نعرف الأول أن العمود الفقري بيكون ليه شكل ثابت ربنا خلقنا بيه ، وهو أن فقرات العمود الفقري بتكون مرصوصة فوق بعض وتكون ثابته ، يعني بيكون فيها ثبات طبييعي ، فممكن نتيجة أسباب كتيره هنعرفها في المقال ان الثبات الطبيعي دي ميبقاش موجود وساعتها هيبدأ تزحزح الفقرات انه يحصل وتعالوا نعرف أكثر
بكل بساطة تزحزح الفقرات ده هو لما فقرة من فقرات العمود الفقري اللي المفروض تكون ثابتة في مكانها تتحرك ، واللي بيحصل هنا أن الفقرة دي مش بيكون فيها الثبات الطبيعي اللي موجود في باقي الفقرات ، وساعتها الفقرة دى بتبدأ انها تتحرك و تتزحلق على الفقرة اللي تحتها أو بيكون فيه مصطلح تاني وهو ان فيه فقرة بتكون راكبة على فقرة . وزي ما احنا عارفين العمود الفقري هو من أساسيات جسم كل واحد فينا ولما فقرة هتتحرك من مكانها فهي هتأثر على الأساس كله اللي هو عمودنا الفقري ، و التزحزح دا هيأثر على حاجتين مهمين جدا
1- الحبل الشوكي اللي بيكون موجود جوا العمود الفقري 2- وكمان جذور الأعصاب اللي طالعه من الحبل الشوكي
طيب و التزحزح هيأثر عليهم ازاي ؟ لما التزحزح بيحصل والفقرة بتتحرك من مكانها هيبدأ يحصل ضغط على الحبل الشوكي وجذور الأعصاب ، وعلى حسب المكان اللي بيحصل فيه التزحزح هيبدأ انه يعمل اعراض وآلام في المكان ده و تزحزح الفقرات ممكن يحصل في
بس أكثر حالات تزحزح الفقرات بتكون في الفقرات القطنية ، ودا اللي هنركز عليه أكتر النهاردة اللي هو تزحزح الفقرات القطنية ، وعشان من حقك تفهم فخلينا نقول شوية معلومات بسيطة عن الفقرات القطنية الفقرات القطنية بيكون عددهم 5 فقرات ، وزي ما شرحنا قبل كده في مقال العمود الفقري ان الفقرات القطنية هي اكتر الفقرات اللى بتشيل من وزن العمود الفقري وكمان بتتحمل ضغط كبير جدا مع الحركة ، و الفقرات القطنية اللى بتكون معرضه اكتر انه يحصلها تزحزح هما الفقرة القطنية الرابعة والخامسة أو الخامسة قطنية والاولى العجزية .بعد ما عرفنا ازاي تزحزح الفقرات بيحصل تعالوا نعرف
بعد ما عرفنا ايه هى أسباب تزحزح الفقرات القطني تعالو نعرف بقى ايه هي
1- هنبدأ نحس بآلام شديدة في منطقة أسفل الظهر وده أكتر عرض بيميز مرض تزحزح الفقرات 2- و هنحس بآلام كبيرة جدا مع المشي والحركة 3- وكمان هنحس بوجع شديد في الرجلين وتنميل وتخدير بسبب الضغط اللي حصل على الحبل الشوكي وعلى جذور الأعصاب . و هنا لازم ناخد بالنا من الاعراض دى واول ما نحس بيها لازم ناخد خطوة الكشف ،ونبدأ في العلاج عشان لو ملحقناش نعالج المشكلة هتبدأ الأعراض تكون اصعب ونكون وصلنا لمرحلة الخطورة و اللى هنعرفها دلوقتى
وبكده نكون وصلنا لآخر مرحلة واللي هي مرحلة العلاج بس لازم نعرف حاجة مهمة جدا مرحلة العلاج بتكون معتمدة عليها ، وهي أن تزحزح الفقرات القطني بيكون ليه درجات وكل درجة علاجها بيكون مختلف ، فتعالوا نعرف دلوقتى
و عشان نفهم كويس تزحزح الفقرات خلينا نعرف ان التزحزح بيكون ليه 5 درجات زى ما احنا شايفين فى الصوره وهما الدرجة الأولى: و هنا الفقرة اللى حصل فيها التزحزح بتكون متحركة من مكانها بنسبة 25% ، ودي أقل درجة من درجات التزحزح واللي هي برضو أكثر نوع شائع ومنتشر بين حالات تزحزح الفقرات .
وندخل دلوقتي على الدرجة التانية: وهي لما الفقرة بتتحرك اكثر عن أول درجة فيبقى التحرك بنسبة من 25% ل 50% اما الدرجة التالته : ومن هنا بيدأ تزحزح الفقرات يكون خطر ، وده عشان الفقرة اللى حصلها التزحزح بتدأ انها تخرج من مكانها بشكل كبير ، وبتكون نسبة التزحزح في الدرجة التالتة من 50% ل 75%.. أما عن الدرجة الرابعة : هنا التزحزح بيكون من 75% ل 100% ، ودا معناه ان الفقرة بعدت جدا عن مكانها
واخر حاجه هي الدرجة الخامسة : و فى الدرجة دى نسبة التزحزح بتكون زادت عن 100% وبتكون الفقرة بعدت تماما عن باقي الفقرات ، ودي من أخطر حالات التزحزح ، بس زي ما قلنا ان الشائع والمنتشر اكثر هما الدرجة الأولى والثانية ، و اللى يعتبروا من اسهل الدرجات فى العلاج ، و ممكن اننا نعالجهم عن طريق العلاج التحفظي ، بس عشان نقدر نعمل ده لازم اننا نلحق نعالج التزحزح و هو فى بدايته .
وبكدا نكون وصلنا لأخر جزء هنتكلم عنه انهارده وهو العلاج و اللى لازم نبدأ فيه بمجرد ما نحس بالاعراض اللى اتكلمنا عنها من شويه ، عشان نلحق المشكله و هى لسه فى اولها ، و كمان مهم جدا عشان العلاج يحيب نتيجة و نرتاح من الالم ، اننا نعرف فى الاول سبب تزحزح الفقرات عشان نحدد انسب طريقة للعلاج ، و نكون بنعالج تزحزح الفقرات صح . و تعالوا دلوقتى نعرف اى هى طرق العلاج
واغلب الناس هتفكر ان علاج تزحزح الفقرات الوحيد هو العملية الجراحية بس ده مش صح ، علاج تزحزح الفقرات ممكن يكون علاج تحفظي ، يعني بنستخدم فيه شوية أدوية وعلاج طبيعي ، بس دا في حاله اننا اتشخصنا بدري ومتأخرناش على مرحلة العلاج
اما بالنسبة للعلاج نفسه فممكن يكون :
ونقدر نعرف اكتر عن امتي مريض تزحزح الفقرات القطنية بيحتاج لعملية تزحزح الفقرات القطنية من خلال الفيديو ده:
فى النهاية خليك عارف ان الأهم من العلاج هو التشخيص الصحيح وكمان يكون بدري اما العلاج فمفيش اسهل منه .
