ما هي نسبة ارتجاع الغضروف بعد استئصاله بالميكروسكوب ؟

ما هي نسبة ارتجاع الغضروف بعد استئصاله بالميكروسكوب ؟

ناس كتير بتكون قلقانه من ارتجاع الغضروف بعد استئصاله بالاخص لو تم استئصاله بالميكروسكوب مع ان نسبة نجاح العملية بالميكروسكوب بتوصل من 90 ل 95 % وكمان العيان بيقدر يرجع لحياته في وقت قصير جدا , لكن مش بينفع لكل مريض ,بالأخص المريض اللي لازم يعمل تثبيت للفقرات زي لو الفقرات فيها تزحزح، لازم يتعمل تثبيت، لأن استئصال الغضروف لوحده في الحالة دي هيسبب ألم شديد بعد العملية، والفقرات هتتحرك وتضغط على العصب من جديد، وهيرجع المريض لنفس الأعراض , كمان لو المريض شغله بيعتمد على شيل أوزان تقيلة أو نمط حياته يجبره على كده، فالتثبيت بيكون الاختيار المناسب، لأن استئصال الغضروف بالميكروسكوب في الحالة دي ممكن يخليه عرضه للانتكاسة لو ملتزمش بالتعليمات نفس الفكرة لو المريض بيعاني من زيادة الوزن ومش قادر يخس، لأن الوزن الزايد بيزود الضغط على الفقرات وبيخلي احتمالية ارتجاع الغضروف أعلى.

ونسبة ارتجاع الغضروف عالميًا بتتراوح بين 5 و7%، بغض النظر عن طريقة إجراء العملية، وده معناه إن حتى لو الجراحة اتعملت بشكل مثالي، في احتمال بسيط إن الغضروف يرجع.
خبرة الجراح وطريقة استئصاله للغضروف بتأثر طبعًا في نسبة النجاح , لكن في بعض العوامل ممكن تزود احتمالية رجوع الغضروف 

في ناس كتير اوي بتخاف من فكرة ارتجاع الغضروف بعد استئصاله وده سؤال مكرر جدا بالنسبالي اول ما اقول للعيان انت محتاج تدخل جراحي بالذات لو بقوله بالميكروسكوب
يسئلني طب يادكتور هل هيحصل ارتجاع للغضروف ؟

نقطه مهمه جدا لازم نشرحها للعيان بهدوء كده عشان يبقى فاهم الموضوع بطريقه بسيطه
اول نقطه عشان تبقى فاهم عملية استئصال الغضروف بالميكروسكوب هي جراحيا اصعب من تثبيت الفقرات
وإن أنا أشيل الغضروف بالطريقة العادية , الطريقه دي اصعب جراحيا لكن احسن للعيان في بعض الحالات 

امتى اعمل للعيان اصلا استئصال الغضروف بالميكروسكوب ؟

• لو ما عندوش تزحزح في الفقرات لان تزحزح في الفقرات بيساوي تثبيت للفقرات لو شلت له الغضروف وهو عنده تزحزح في الفقرات هيطلع بآلام شديدة في ضهره والفقره هتتحرك وتضغط على العصب ويجي له نفس الالام اللي كانت موجوده قبل العملية ويحتاج في الاخر يعمل تثبيت دي اول نقطه
• النقطه الثانيه ان العيان اللي اكل عيشه ان هو يشيل ويحط او ظروفه الحياتيه بتخليه يضطر يشيل ويحط ده لازم اعمله تثبيت لان لو استأصلت له الغضروف بالميكروسكوب وهو ما التزمش بالتعليمات اللي انا هقول له عليها اللي منها ان هو ما يشيلش تقيل لفتره
• ساعتها الغضروف هيرجع له تاني وساعتها هنضطر نعمل تثبيت اللي احنا كنا ممكن نعمله من الاول
• النقطه الثالثه العيان اللي مش قادر يخس بطريقه او باخرى اللي حاولنا نقول له يخس اكثر من مره لكن هو مش عارف ساعتها لازم نعمله تثبيت عشان ما نخشش في حاجه اننا نضطر نعمل عمليتين بدل عمليه واحده

فكره ارتجاع الغضروف بشكل عام كنبسه عالميه نسبة ارتجاعه من 5 ل 7% سواء عملت العمليه صح عملتها بالميكروسكوب عملتها بطريقه التقليديه عملتها بالمنظار عملتها بأي طريقة من الطرق نسبه من 5ل7 ٪ حتى لو عملت كل حاجه صح حتى لو عيان معملش اي حاجه غلط برده ممكن يرجع الغضروف فانت لازم تبقى فاهم لما تيجي تتعامل مع جراح اشتغل مثلا مئات حالات الاستئصال الغضروف لازم هيحصل معاه ارتجاع الغضروف

الفكره كلها ان انت تبقى واثق فى الدكتور ده بما يكفي ان لو عندك ارتجاع للغضروف هيعرف يتصرف معاك بالطريقة الصحيحة
ارتجاع الغضروف في عوامل بتساعد النسبه تزيد زي ما قولنا 

• ان لازم العيان ميشلش تقيل لفتره
• ان لازم بعد العمليه ياخذ باله من الوضعيات بتاعته
• ان العيان لازم يعمل علاج طبيعي عشان يقوي عضلات ظهر
• لازم ياخذ باله ان وزنه لو هو زياده او متوسط ما يزيدش ولو اقل يبقى احسن او وصل للمثالي يبقى احسن لكن على الاقل ان هو ما يزيدش

دي حاجات لو متعملتش بتزود نسبة ارتجاع الغضروف
طبعا خبرة الجراح وان هو بيستاصل الغضروف ازاي , دي طبعا بتاثر على نسبة الارتجاع بتاع الغضروف لكن احنا بنقول لان هو لو \+"ك+المستوى بتاع الجراح نفسه واحد نفس الجراح لو عمل 100 عملية في خمس عيانين هيرجع لهم الغضروف
لو انت خايف ان الغضروف بتاعك يرجع وانت مش عارف تلتزم بالحاجات دي لازم تعمل تثبيت من الاول , عشان احنا كده دايما واحنا بنتكلم بعد العمليات بنقول ان انا كجراح لازم اتكلم مع العيان واشوف Life style بتاعه أسلوب حياته عامل ازاي , وعلى اساس وعامله العمليه اللي تناسبه هو مش فكره ان انت تعمل عمليه تثبيت واستئصال وخلاص لازم تبقى متامشية مع شخصيته او life style بتاع العيان نفسه , دي نقطه مهمه جدا ,.

ده فكره ان انت مرعوب من فكره ان انت تعمل استئصال للغضروف بالميكروسكوب في المقابل الغضروف نفسه هيرجع لك
لان في مميزات كثتره جدا و استئصال الغضروف الميكروسكوب ان الجرح نفسه اصغر العضلات نفسها اللي بيوسعها اقل ان العضم اللي بشيله اقل بكتير ان انت ترجع لحياتك الطبيعيه لو انت بتشتغل شغل مكتبي وانت مش بتشيل تقيل تقدر ترجع في اسرع من تثبيت الفقرات
وفي نفس الوقت احنا مش بنخوف الناس من تثبيت الفقرات لان تثبيت مش زي ما الناس بتقول انا تلات شهور قاعد في السرير او الكلام ده كله

انت بتقدر تمشي وتتحرك يومها مفيش اي مشاكل خالص بس فكره ان انت تعمل حاجه العيان نفسه مش محتاجها بالنسبالي انا لازم افهم العيان بالتفصيل تثبيت الفقرات ده بيخلي الفقرة نفسها مش بتتحرك , لو انا مثلا بثبت الفقره الرابعه والخامسه دول فقره واحدة كأنهم التحموا مع بعض , فانت بتحمل اكثر على الفقره اللي فوقيها زي ما قلنا ان احنا مثلا في الفقره الخامسه والاولى ممكن يحصل مشكله في مفصل الحوض لان انت بتحمل على المفصل اللي تحتيه
او مع تثبيت الفقرات زي ما الناس خايفه من الغضروف في ناس مش عارفه ان انت لما بتعمل تثبيت الفقره اللي فوقيها ممكن يحصل لها تزحزح لان الوزن اللي بيتشال عليها بقى اتقل ف غير الغضروف المرتجع في فقرة فوقيها ممكن يحصل لها تزحزح لو انت ما التزمتش بنفس الكلام اللي احنا قلناه في استئصال الغضروف بالميكروسكوب

فكل حاجه فيهم ليها مميزات ولها عيوب زي ما في نسبه ارتجاع الغضروف , تثبيت الفقرات ممكن يحصل تزحزح في الفقره اللي فوقيها وممكن تبقى كمان نفس نسبة الارتجاع , فانا دايما بختار الانسب والاحسن للعيان في مقابل ان دي ممكن تكون الأصعب جراحيا عليا انا كجراح لان الميكروسكوب محتاج مهارة أعلى ومحتاج تدريب فترات اطول مش كل الناس بتقدر تعمل استئصال الغضروف بالميكروسكوب بطريقه صحيحه او الطريقه اللي بتطلع نسب نجاح عليها في مقابل ان معظم الناس والاساسيات بتاع العمود الفقري ان انت تقدر تعمل عمليه تثبيت فقرات

لوعندك اي استفسار عن عمليات استئصال الغضروف وتثبيت الفقرات تقدر تتواصل معانا من خلال رسايل الصفحة او علي الواتساب
01000120118
دكتور علي يسري القاضي استشاري ومدرس المخ والاعصاب والعمود الفقري بجامعة القاهرة 

احجز الان :