دكتور علي القاضي > طرق العلاج > الجراحة الميكروسكوبية
اعرف عمودك الفقري
ليه رقبتك ممكن توجعك ؟
ليه ممكن تحس بوجع في اخر ضهرك
يعني ايه غضروف؟
١٠ أسباب للانزلاق الغضروفي القطني و عرق النسا
الجراحات الميكروسكوبية في وقتنا ده بقت من اهم الطرق اللي الطب بشكل عام بيستخدمها في الجراحة ، ودا عشان الميكروسكوب ممكن انه يدخل في مجالات كثيرة جدا في الطب ، والميكروسكوب أثبت جدارة وكفاءة عالية جدا في الجراحات خصوصا في جراحات العمود الفقري. فتعالوا دلوقتي نعرف اكثر عن الميكروسكوب في جراحات العمود الفقري وازاي الميكروسكوب بقى أداة مينفعش نستغنى عنها خصوصا في مجال جراحات العمود الفقرى ، وخلينا نعرف
الميكروسكوب الجراحي هو أداة من الأدوات اللي بيتم استخدامها في مجالات طبية كثير زي الأسنان وزي جراحات العمود الفقري ، ودا عشان اهم ميزة في الميكروسكوب الجراحي انه بيقدر يكبر الصورة 6 مرات أكثر عن الطبيعي ، ودي زي ما قلنا من اكبر مميزات الميكروسكوب الجراحي ، وده بيخلي دقة العملية اكبر و بكده نضمن ان عمرنا ما هنضر الحبل الشوكى ولا جذور الاعصاب وقت العملية ، وكمان جرح العملية بيكون صغير جدا وده بيسرع من التعافى بعد العملية ، و تعالو نعرف بقى .
1- ممكن نستخدم الميكروسكوب الجراحي في استئصال الغضروف العنقي 2-وكمان استئصال الغضروف القطني 3- و ممكن نوسع بيه القناة العصبية و تسليك جذور الأعصاب 4- او ازالة الاورام و خصوصا الأورام الليفية عشان الميكروسكوب دقيق جدا فهنقدر أنه نشيل اي ورم بكل دقة . طيب اشمعنى بنستخدم الميكروسكوب الجراحي أو ايه هى مميزات استخدام الميكروسكوب في جراحات العمود الفقري؟ 1- الفتحات اللي في الإجراء الجراحي بتكون صغيرة جدا وحجمها ممكن يوصل لعقلة صباع أو عقلة ونص. 2- فترة نقاهة المريض بتكون أقل بكثير جدا عن العمليات التقليديه عشان زي ما قلنا ان الفتحه بتكون صغيرة وده بيمنع انه يحصل ضرر للعضلات . 3- مدة الإجراء نفسه ممكن تاخد من نص ساعة ل ساعة . 4- بعد إجراء عملية بالميكرسكوب المريض بيقدر انه يرجع بيته في نفس اليوم وعلى رجليه 5- نسبة ان فيه نزيف يحصل بتكون اقل عشان دقة الميكروسكوب عالية جدا. 6- نسبة نجاح العملية بتوصل ل 95% ونتايج الجراحة بتظهر بعد الإجراء على طول. 7- الميكروسكوب الجراحي بيساعدنا اننا نشوف أدق التفاصيل أثناء الإجراء وده بيخلينا نتجنب اي مشاكل تانية ممكن تحصل في العمود الفقري او اننا نضر الحبل الشوكى او الاعصاب وقت العملية .
للأسف ايوا الميكروسكوب الجراحي ليه عيب أنه بيحتاج شخص متمرس جدا في استخدامه ، عشان مش اي حد بيكون قادر انه يعمل اجراءات جراحية محدودة بيه ، ودا عشان هي اداة بتحتاج وقت كبير جدا في التعلم . طيب دلوقتي بعد ما خلاص قررنا اننا نعمل اجراء جراء بالميكروسكوب تعالو نعرف
مهم جدا بالنسبة للمريض انه يلتزم بكل التعليمات اللي الدكتور المختص هيقوله عليها ، زي :
وكمان لازم نحاول نتجنب العصبية أو الحزق أو العطس والكحة على قدر الإمكان لإنها ممكن تأثر على العمود الفقري و ممكن كمان تتسبب فى ان الغرز تتفك . وعشان كده خليك متطمن وعارف ان الجراحة بالميكروسكوب من اكثر الطرق الآمنة اللي ممكن نستخدمها في جراحات العمود الفقري ، واخيرا خلينا نقول حاجه مهمه ان الجراحة عموما سواء كانت بالميكروسكوب أو بالمنظار فهى مش أول خطوة بنلجألها في علاج مشاكل العمود الفقري ، ولو عايزين تعرفوا اكثر عن الطريقة التانية اللي هي الجراحة بالمنظار تقدروا تضغطوا هنا
