دكتور علي القاضي > الخدمات > الإنزلاق الغضروفي القطني
تصفح جميع الخدمات
الانزلاق الغضروفي العنقي
ضيق الفقرات القطنية
تزحزح الفقرات
الإنزلاق الغضروفي القطني
مفصل الحوض الحرقفي
عرق النسا
ضهرك قافش عليك جامد ؟ و بتلاقى كمان ان فيه وجع مسمع في رجلك سواء كانت رجل واحدة او الاتنين ، بس بعد فترة بدأت تلاحظ ان وجع رجلك بقى اكثر من وجع ضهرك طيب خلي بالك عشان الوجع ده ممكن يكون بسبب مشكلة في العمود الفقري واللي هي الإنزلاق الغضروفي القطني وخلينا نعرف بكل بساطة أي هو الانزلاق الغضروفي القطني واي هي الفقرات القطنية .
الفقرات القطنية هي جزء من عمودنا الفقرى ، و اللي بتكون موجودة في آخر الضهر ، يعني لو حطيت ايدك على آخر ضهرك فإنت كدا وصلت للفقرات القطنية ، والفقرات دي بما انها موجوده في آخر الضهر فهي تعتبر أساس العمود الفقري كله ، وده عشان هي أكتر فقرات في العمود الفقري بتتحمل وزن الجسم كله و كمان بتتحمل الضغط اللى بيتعرضله عمودنا الفقرى بسبب الانشطة اللى بنعملها فى يومنا . و بعد ما عرفنا اى هى الفقرات القطنيه ، تعالوا نعرف يعنى اى اصلا غضروف و اى هى وظيفته ، قبل ما نتكلم عن الانزلاق الغضروفى القطني الغضروف دا ببساطة هو حاجة كده زى المخدة الطرية و اللى بيتكون من جزئين
و الغضاريف دى بتكون موجوده بين كل فقره و التانيه فى عمودنا الفقري ، و دورها انها تحمي الفقرات من انها تحتك ببعضها ، ده غير ان الغضاريف دي زى ما قولنا من شويه هي اللى بتمتص الصدمات و الضغط اللى بيتعرضله العمود الفقري و توزعه على كل فقرات العمود الفقري بالتساوى عشان ميبقاش فيه فقره بتتعرض للضغط بشكل اكبر من التانيه ، وكمان هي اللي بتساعدنا اننا نحرك ضهرنا يمين و شمال من غير ما نضر الفقرات . و بعد ما عرفنا يعنى اى غضروف و اى هى وظيفته ، خلينا نعرف دلوقتى اى اللى ممكن يحصل لو الماده الجيلاتينيه اللى جوا الغضروف اتحركت من مكانها ؟ الماده دى لو اتحركت من مكانها هتكون بتعملنا المشكلة اللي اتكلمنا عنها من شويه و اللي هي الانزلاق الغضروفي و بسبب حركة الماده الجيلاتينيه هتبدأ انها تزق الالياف اللى حواليها لبره ، و من كتر ضغط المادة الجيلاتينيه على الالياف ، هتبدأ الالياف دى تضعف و هيحصل فيها تشققات ، و مع زياده الضغط على الغضروف بسبب المجهود اللى بنعمله كل يوم او شيلنا لحاجات تقيله هتبدأ الماده الجيلاتينيه تخرج اكتر من مكانها ، وده هيأثر وده هيضر زى ما قولنا من شويه بالحبل الشوكي و جذور الأعصاب اللى بتطلع منه و الانزلاق ده لو حصل ، الماده الجيلاتينيه اما انها هتضغط على الحبل الشوكي نفسه من النص او انها هتضغط على جذور الاعصاب وساعتها هتبدأ الأعراض انها تظهر ، قبل ما نتكلم عن الأعراض لازم نعرف حاجه مهمه جدا وهي ان الإنزلاق الغضروفي بيكون ليه 4 درجات وكل ما الدرجات دي زادت كل ما الأعراض زادت: إي هي درجات الإنزلاق الغضروفي؟ الدرجة الأولى اللي هي انتفاخ الغضروف ، وهنا المادة الجيلاتينة بدأت تتحرك من مكانها بشكل بسيط وتضغط على الحلقات الليفية ، بس لسه الانزلاق دا مقربش من الحبل الشوكي أو جذور الأعصاب. الدرجة التانية واللي هي بروز الغصروف ، و في الدرجة دي بتبدأ تحصل تشققات فى الالياف من كتر ضغط الماده الجيلاتينيه عليها ، وده بيخلى الماده الجيلاتينيه تخرج لبره اكتر ، ومن هنا بيبدأ الإنزلاق انه يضغط على الأعصاب اما الدرجة التالتة ودى بنسميها خروج الغضروف ، وهنا الحلقات الليفية بتكون اتقطعت بشكل كامل وبدأ بروز الماده الجيلاتينيه انه يضغط على الأعصاب ويأثر على وظيفتها الحركية الدرجة الرابعة واللي هي انفجار الغضروف : ودي تعتبر من اسوأ درجات الانزلاق الغضروفى وده لان الماده الجيلاتينه بتكون خرجت برا الغضروف بشكل كلي و وصلت للاعصاب و القناه الشوكيه ، و الماده دي زي ما قلنا بتكون ماده الكاويه ، وفساعتها ممكن تسبب ضرر و التهابات كبيره جدا للأعصاب ، و هنا هنكون بنحس بألم كبير جدا وكمان هنحس بلسعة فى الظهر كله بتوصل للمؤخره و الساقين . وخلينا نعرف دلوقتي
و هنا لازم نعرف حاجة مهمه ، و هى اننا لازم اول ما نبدأ نحس بالاعراض اللى قولناها دى ، ناخد خطوة الكشف و العلاج ، لان ده لو محصلش الاعراض اللى بنحس بيها مش هتقف عند وجع الضهر او التنميل فى الرجل و صعوبة الحركة ، دى ممكن توصل لحاجات تانية زى
و دلوقتي خلونا نتكلم عن أي هي أسباب الانزلاق الغضروفى و نعرف كمان اى هى الطرق اللى نقدر اننا نعالج بيها الإنزلاق الغضروفي القطني .
و دلوقتى بعد ما عرفنا اى هى الاسباب اللى ممكن يحصلنا بسببها انزلاق غضروفى قطنى ، خلونا دلوقتى نتكلم عن طرق العلاج
علاج الانزلاق الغضروفى القطنى بيكون ليه 4 طرق و هما :
و بعد ما عرفنا الطرق اللى بنقر اننا نعالج بيها الانزلاق الغضروفى القطنى ، خلينى اطمنك و اقولك ان 90% من حالات الانزلاق الغضروف القطني علاجهم بيكون تحفظي بمعنى اننا مش بنحتاج لتدخلات جراحية و العلاج بيكون عن طريق الأدوية والعلاج الطبيعي ، بس خد بالك عشان تكون من 90% اللى مش هيحتاجوا لتدخلات جراحية لازم تبدأ العلاج و الانزلاق الغضروفى القطنى لسه فى اوله و متستناش لحد ما الانزلاق الغضروفى يزيد و تزيد معاه الاعراض و الضرر كمان و دلوقتى بعد ما عرفنا الطرق اللى بنعالج بيها الانزلاق الغضروفى القطنى ، خلينى اقولك انك لازم قبل ما تبدأ العلاج تكون متأكد ان الوجع اللى انت حاسس بيه سببه فعلا الانزلاق الغضروفى القطنى مش اى حاجة تانيه و ده لان الاعراض اللى انت حاسس بيها و اللى اتكلمنا عنها فى اول المقال دى ممكن تكون بسبب حاجات تانية كتير غير الانزلاق الغضروفى القطنى ، و اسباب وجع الضهر دى كنا اتكلمنا عنها قبل كده بالتفصيل هنا ” ليه ممكن تحس بوجع فى اخر ضهرك “ خليك في الآمان وحافظ على عمودك الفقري ، بس قبل ما تبدأ العلاج اتأكد انك اتشخصت صح . و دلوقتى لو عايزين تعرفوا اكثر عن طرق العلاجات المختلفة تقدروا تضغطوا علي طرق العلاج وهتعرفو كل التفاصيل
